一個人在說話: 沒有愛情,令一切都簡單

一個人在說話: 沒有愛情,令一切都簡單: 陶喆在唱[愛很簡單], 但沒有愛,事情可以更簡單; 我放低對你大部份的感情, 不再對你有所謂的痴心妄想, 只留下關心和支持, 於是,我們仍然是好朋友; 而且, 我發現你我之間好像了解加深了, 相處更自然, 因為你也許不再害怕我愛上你,要跟你在一起吧?! 放心...

沒有愛情,令一切都簡單

陶喆在唱[愛很簡單],
但沒有愛,事情可以更簡單;


我放低對你大部份的感情,
不再對你有所謂的痴心妄想,
只留下關心和支持,
於是,我們仍然是好朋友;
而且,
我發現你我之間好像了解加深了,
相處更自然,
因為你也許不再害怕我愛上你,要跟你在一起吧?!
放心,我不想破壞我們現在的友誼和關係。


不知是我想多了,還是太自信我對你的了解,
每當我估中你想的是什麼,你說的意思是什麼時,
你總是點點頭,[唔唔...]的一聲,樣子蠻滿意似的,
我當然沾沾自喜,因為我能看穿你在想什麼,
雖然從來沒有問你喜不喜歡我這樣說穿你的心意,
但我覺得這就是我們互相了解的證明和相處方式;
你不喜歡事事說出口,想你說上一句,人家便知道下一句是什麼,
而我則什麼都要說出口,很想了解人家在想什麼,
所以,我時常問你這,問你那,
因我相信你也想別人詢問你的意願吧?!
當然,問太多你便會嫌我煩和蠢。


沒有愛情,能讓我們更接近。

如果愛...

原來對一個人有感覺,不等於喜歡;喜歡一個人,不等於愛;
不是你告訴我,也不知道原來我根本分不清,
就說要在一起,
真的很天真;
愛是一種由感覺發酵,再以時間去蘊釀的東西,
過程中經過相處了解,吵架甜蜜,
最後便產出愛,
我以為用感覺和喜歡,便可以投產,開始去蘊釀所謂的愛,
可惜你認為不足夠,
那麼,我不能欺騙你說我已準備好所需材料,
抱歉我的不足,讓你失望了。

你的話令我覺得自己對愛情的理解很幼稚,
而你是多麼認真,
我說不出愛,是我怕我負不起這句話背後的責任,
我沒有懷疑你對我的心意,只是懷疑自己的能力,
不確信我能給你對等的愛,怕有負於你,
我在乎你的感受,所以我更不能負你,
當然,你懷疑我的心是正常,
因我不知如何給你信心,去相信我也是認真的,
假如你所認為的認真,就是在於一個愛字,
那麼...何否讓我用行動去告訴你?
在於我的角度,愛是要行動,不是說說而已,
即使我說不出,但不等於我做不到,不等於我對你不關心,不緊張,不在乎,不喜歡......
愛,在我眼中是包含很多東西,當中有經歷,分享和分擔,
我希望能跟你感受和擁有這些東西,
然後,才確認那份愛。

要維持一段關係,
心悅誠服和共同價值觀同樣重要,
前者能令彼此和諧相處,一直互相欣賞尊重,
後者是彼此能夠一起努力建造屬於二人的將來的動力,
兩者也是要用時間去認識和建立,
所以,請給時間一個機會,
如果愛的話。

坦白

對於我來說,
坦白是困難的事,
卻又一定要做,
因為每個人也應該誠實面對自己。

也許我的文筆會比我的口才好,
用文字來表達也許更好;
我承認我動了心,
我知道什麼是為我好,
大概不是習慣了那麼簡單,
因為我會在意,我會不值,我會想關心多些;
或者,不足以相信,
可惜我拿不出證據。

坦白的結果大都一樣,
不外乎是換來一堆尷尬,失望,後悔和自卑吧!
不要緊,我習慣了,有經驗,
然而,
移走了一堆碎石,讓我心感坦蕩蕩,
因為不用再積壓,
沒有隱瞞的感覺是最好,
而且我不求什麼,
但求說出要說的話,
給要知道的人知道,
那便可以了。

我想自己在某方面算是個理性的人,
而現在很多事情對我來說也沒有什麼大不了,
我接受到的,
有理由的原因,誰都反對不了,
只要目的和方向是正確,我就要支持,
即使被放棄,我亦要支持,
因為,感情不過是一時之事,
目前要努力的事還有很多。

雖然我就是在努力面前的過程中,感到寂寞孤獨,
想找到力量去支持我,找到個倚靠去喘息......
不過,孤身作戰我早該已習慣,
一時的失落,氣餒和乏力,不等於就會被珍惜憐愛,
是改不了被放棄的結果。

不知這樣的坦白,夠不夠坦白?

用我既愛去感化人?

早幾日,
當我埋首工作時,有個姨姨級既同事入房吹水,
佢叫我去食tea,我話食左飯,唔啦,
果個時候好吹得水既主任又走黎搭訕,
佢問同事又黎我房做咩,我話佢叫我地食tea啫,
主任話唔係介紹男仔我識咩?
我話下?又介紹,阿姨有無咁多個仔介紹俾我呀?!
阿姨同事就話有架,不過係個衰仔黎既;
我話下?衰仔就唔好介紹俾我啦,自問都係個好女仔架嘛!!
主任即反駁我,話就係等我去感化個衰仔,令佢變好,
我話唔係掛?我係想要個人黎照顧我愛我,唔係要個人黎等我地教化佢囉...!!
主任再反駁,話愛情既力量係可以好大,可以改變一個人架!!就係用我既愛去改變佢!
我不甘示弱咁問佢,咁係佢太太改變佢,定佢改變佢太太呀?
主任即刻變得一臉靦腆咁話係佢太太改變佢,佢以前啪丸,溝女,去蒲....咩衰野都做過,但自從識左佢太太之後,就改變哂,變左而家既佢,
我話即是成而家既住家男?佢笑住話都算係,總之就改變哂,
我話有無咁大力量,我自問真係無咁既能力,
阿姨同事邊聽邊笑,話都係唔好介紹我啦,感化唔到架喇咁,
兩個吹完就走左lu~
--------------------------------------------------------------------------------------

其實,我唔係唔相信愛情既力量,係足以改變一個人,
如果,能夠改變到對方既一d陋習,當然係好,
咁即使最終都係分開,至少佢會有所得著,唔只係得到[哦,係,我係同佢拍過拖呀!]咁簡單既一句;
好友就係用哩個心態去拍拖,佢真心鐘意對方,所以亦真心想對方好,於是努力改善對方既壞脾氣;結果係成功既。
坦白講,假如一段感情係在於對方為自己改變左幾多,或者自己被對方改變左既話,
咁我覺得係好辛苦,
一直認為鐘意得你,除左鐘意你既優點,亦要接受你既缺點,
當然,真係好嚴重好影響既缺點就一定要改既,
可能係我好怕人地話為我做咩做咩,為左我而改變,
因為似乎好大責任,所以好怕聽到。
btw,
可能最後係我被對方改變左!!嘿嘿~~~

心理測驗

今晚放工返列東涌,遇見中學師妹又係放工,
我地停低傾幾句,
師妹一貫"好關心"我既口吻,問我既感情狀況,
我當然都係果句:[乜都無喎~~]
佢再一次同我講:[你係好女仔,一定會遇到你既MR.RIGHT既!!]等既廢話......-_-!!
傾多兩句,師妹就話同我玩個5分鐘既心理測驗,不過唔知我趕唔趕時間,
我話都唔趕既,咁佢就開始同我玩喇。

哩個心理測驗係咁既......

1,如果而家你將要去一個森林度生活/探險,可以揀一種動物陪你,你會帶一隻 _ _既 動物呢？
我既答案係：我會揀一隻強壯，正值壯年既大象；

2,咁你同大象一齊走進森林,你認為第一隻會遇見既係咩動物呢?
我既答案係: 係一隻凶猛既獅子;

3,之後你一直行,發現地上有把鎖匙,你會唔會執起佢?
我既答案係: 會;

4,當你行到森林中,發現有間屋,咁你覺得會一間小木屋/大木屋/小磚屋/大磚屋?
我既答案係: 小木屋;

5,你入左間屋,見到有桌檯,檯上面有杯水,你覺得杯水有幾多滿?
我既答案係: 1/3左右;

6,承上題,你會唔會飲左杯水?
我既答案: 唔會;

7,除左檯,仲有椅子,你認為會有幾多椅子?
我既答案係: 2 張;

8,你走到屋後,發現有個湖,你認為個湖有幾大?係好細定係好大呢?
我既答案係: 係個好大既湖。
........................................................................................................................
師妹問完哩8個問題就開始解釋我知個結果;

問題一: 係代表你想搵一個點樣既伴侶:
我揀既係強壯既大象,即是我希望另一伴係強勢而有安全感,好可靠,可以保護到我,而年紀可能係大一D;

問題二: 係代表你心中覺得自己想私底下o係伴侶面前係點既形象同地位;
我揀既係凶猛既獅子,即是我係會好惡,會食住對方,要對方聽哂我話,不過只係私底下兩個人既時候,o係其他人面前我就唔會咁,會當對方係大象,信靠對方,聽哂佢話;

問題三: 係代表你有無好奇心:
我會執起支鎖匙,即是我有好奇心;

問題四: 係代表你既對名利,物質既慾望有幾大:
我揀小木屋,係最簡陋,即是我唔太追求名利之類既野;

問題五: 係代表你對生活上所需既要求有幾多;
我認為杯水只有1/3杯,即是我既要求低,一d都唔高;

問題六: 係代表你對生活有無憂慮:
我選擇唔飲,即是我對生活充滿憂慮,擔心,無信心;

問題七: 係代表你希望將來屋企會有幾多人:
我答2,即是我可能係接受到二人世界既家庭,
(btw我同師妹都認為哩一題可以有好多解釋,可以不理。)

問題八: 係代表你內心既胸襟有幾廣闊:
我認為係一個好大既湖,即是我個人既胸襟好廣,可以包容,原諒,體諒好多事情。

師妹解釋完之後,就大叫我真係一個好女仔,
我話我d答案全部都係用合理既邏輯去諗,係常識黎啫,
係個湖有幾大,就真係我個人覺得會好靚,好童話咁,所以而答既;

最準既係我揀大象同獅子,事實我係想揾個咁樣既人,俾我信心,俾我依靠 當然佢亦會聽我話,會哄我,會俾我發下小姐脾氣。 師妹拍我膊頭叫我放心,實揾左識欣賞你既哩個人; 轉頭佢就問我去唔去參加speed dating ,佢好需要去喎， 我話佢咁後生使咩咁急呀？佢話做老師好難識對象,好易做老姑婆,佢決定投身教育,就要快啲揾定一個喎！ 我聽完先明點解. 傾多一陣就各自歸家喇。 哩個心理測驗都幾好,我得閒同人玩下先！

曾經有你

今晚彈彈下結他,
忽然諗起一D野,
即刻搵返幾年前既記事簿睇下,
噢!!我忘記左,我竟然忘記左哩一日!!

原本已經過左咁耐,
係2009年既事,
今時今日,記憶真係開始矇模糊,
只係記得一些重點,
我最記得係地點...仲有我既緊張,我既眼淚,你有D緊張而認真既語氣,我心急既追問,
你理性既答案,我得到既滿意解答,但失望既心情......
一段醞釀左幾年對話,終於要講出口,
而過左幾年,哩段對話仍未完全沉澱,
就如現在,我仲記得個過程,
雖然結果係失敗,
但而家每次諗起,總係會心地微笑,
笑,係因為覺得自己好勇又好傻,
更因為你承認對我有感覺,
係第一次,亦係唯一一次,
就只一句話,已經很滿足,
足以銘記到現在。

3年前既事,
唔知仲可以記多幾多個3年?
我明白再放唔低既事,始終都會過去,
無可能既事,即使再努力爭取,再耐心等待,都唔會有可能,
而你大概都唔會俾機會哩個可能成真;
我一向唔相信奇蹟,更唔相信會發生於我身上;
保留住記憶,當係俾自己既紀念,
證明我曾經有勇敢過,有爭取過,有坦白過。

我諗起一首最近好鐘意既歌,
第一次聽到就諗起你,仲有點眼濕濕,
就係林一峰主唱既[曾經有你,因此有我],
歌詞係咁:

[若我跟旁人相戀 頓覺生亦無可戀

穿插的情人一轉再轉 難及上你暖一暖
也許生平無知己 但我能夠找到你
即使分離多於碰見 仍沒法再逃避
愛難避 記憶中總有你
快樂時期 苦悶時期 長與你一起
在這悠悠長天地 感覺如何能不死
有賴你 令我歲月如飛
無人明白我
即使多苦楚 怎麼覺得仍不錯
只因有你 為你活著而活
為你過路而步過 令匆匆生命愛比苦更多
無人明白我
過去那個我 今天已經重生過
只因有你 為你坐著而坐
為你錯誤而做錯
亦不必追問你心中有多愛我
曾經有你 因此有我 ]

曾經,
你我之間,
是有發生過的。