原來滿足感,就是這樣

臨近年尾,

相信很多人不約而同地要去做同一件事,就是參加婚宴;

不管是親人,朋友,還是同事,總會收到喜帖,

酒店,酒樓,Club house等,都有機會去見識見識,

我當然也不例外,

而且不只是當賓客,是當司儀,這可是很大的責任,

亦是一對新人對我的信任,

幸好每次也能圓滿地完成任務。

早前,一位舊同學兼好友要當新娘,

她早已屬意找我當司儀,我樂意之至;

她的新郎雖然不認識,但為人客氣,我們第一次見面時,我問他有什麼要求想我做到,

他說沒什麼特別要求,一切就交給我發揮,他相信我會做得好的;

得到對方如此信任,我實在有點受寵若驚,不過亦是一種適當的壓力,提醒自己要做得更好。

終於到了大喜日子,

我有份負責[玩新郎]的環節,除了講解,還要監察新郎兄弟們有否犯規,姊姊們也一直從旁跟進,氣氛熱鬧愉快,過程亦很順利;

上午的程序完成,一行人乘車往晚上設宴的酒店;到埗後,新娘著我去找負責晚宴的酒店人員,看看有什麼要安排,我也想早點看看婚宴場地是如何;
此時,那位酒店營業部的職員來到新娘房跟大家打招呼,新娘告訴她,我是司儀,有事可以跟我談談,於是我上前自我介紹後,便跟她去看場地

一踏進場地,我呆了一會,原來是那麼大的地方!而那個舞台更是有近一米多高,我站到台上,台下是一目了然的,我忍不住興奮地說真像從前中學禮堂的舞台;那位職員陸續跟我介紹其他的職員,恕我實在記不到他們各人的名字,酒水,音響,座位也各有負責的職員,他們全是經驗豐富的職員,知道我是司儀後,也問同一個問題:[怎樣得你一個?還有另一位司儀呢?],

我回答司儀就只我一個而已.他們很意外似的,還給我打氣,叫我要加油。

了解過各個位置的安排, 台上簡單的佈置後,

我獨自在台上來回走了數遍,讓自己熟習一下走位;職員們看到我很緊張的樣子,就叫我坐下來,又問我飲什麼,我說要可樂,糖份可以補充腦力,等我冷靜一下,那位職員竟然笑了。

親友陸續到場,開始工作了;

安排新人同親友們合照,是看似簡單但實在困難的工作,因為總有人影過再影,女家的親友先影,還是男家的親友先影?對我來說是很需要技巧的工作;而新娘貼心地安排了現埸印相,找了一位朋友幫手,負責影相和印相,我跟他很熟絡,於是我會讓他先影,讓他有充足的時間去印相。

期間也有空檔時候,我便把握時間補妝,看熟份稿,食點東西,和坐下休息,因為以上開席後便沒有機會做了;新郎總是比新娘清閒,他跟我交待那段成長片段大概播多久,和完結時我必需要的說那幾句台詞,然後他們便會進場;我一直叫自己要留心聽好記好,不要壞事,於是跟新郎談過以上的事情後我的緊張指數勁升。

接近8點,是時候叫大家入坐,準備進行證婚程序;

大致上入坐後,就是真正要開始今日的重點工作;

上台前,我深深呼吸了一下,就手執著過長的裙擺,走到台的中央去,

[大家好,歡迎各位親友來臨今晚既婚宴,今晚既婚宴現在正式開始;首先自我介紹,我係今晚既司儀.........]就是這樣的開場白,開始了是夜的婚宴;

說過開場白,立即播放成長片段,因為還要留時間進行證婚儀式;我一直在台下留意影片,到了完結時,便到台上歡迎一對新人進場;

證婚程序由律師負責,我和奶奶,岳父一起在台下準備一陣上台簽字,看著聽著好友宣讀著誓詞,我不禁感動起來,眼眶紅紅的,想到她要成為當太太,有自己的家庭,實在很欣慰。

律師負責的部分完成,又是我上台的時間,由於比預算的時間早了點完成,可以給一對新人多點時間說說感受,那我便讓他倆自由發揮地說些感謝的話;然後,接近9點,就宣佈開席了。

這時候我便可以休息一會。

難得有自由時間,我便去找朋友聊天影相,亦找一找新郎問一下我剛才有否出錯,能否表達到他想要我效果,他說我表現很好,正合他的意思,叫我記得吃東西,他留了位子給我們工作人員,我感謝他的讚賞後,便坐下休息,喝點東西,再去看看印相的過程順不順利;

朋友說十分順利,還即時給了我一張剛才我跟新娘的合照,相片質素真的不俗;後來那些相更由新神親自分發給親友們,他們亦表現得很高興和滿意。

休息時間完成,又是工作時候;

是播出早上接新娘的片段,我們的遊戲沒有任何兒童不宜的成份,親友們看得投入;

接住是敬酒時間,我提醒大家記得斟滿酒杯跟一對新人暢飲,而事實上職員斟給新人的全濃茶,

完全沒有酒精的,親友再熱情也不怕醉倒。

如是者,很快就到了散席的時候,

我再次走到台上,跟各位宣佈婚宴完滿結束,我代表一對新人感謝大家的祝福,希望大家有個愉快的晚上,然後鞠躬致謝;此時台下傳來拍掌聲,是來自兄弟和新郎的朋友那檯的,

我笑著跟他們揮手致謝,便下台了。

親友逐一離開,我站到大門前跟他們道謝和歡送,

當中有不少人跟我說辛苦了,讚我表現很好,很淡定等;我笑著道謝,內心其實是很激動,

因為竟然得到不相識的人讚賞,很意外;

完成大任,新娘忙著換衫,新郎就忙著善後,姊妹們忙著收拾東西,

終於我也換過衣服,可以功成身退,一對新人再次感謝我,說遲些再相約吃飯。

回家路上,心情漸漸放鬆下來,內心一直在想,其實再累我仍然會笑著應付,

只因為是我喜歡的工作,是我享受的壓力,

我忽然明白到,

原來滿足感,就是這樣。

只有我快樂,你才會快樂

今天,我去了和合石探望媽媽,

臨近中秋,我想她一定很想念我,

當然,我也很想念她,

在這個9月仍熱得像暑假般的天氣下,

我一身的汗水像洗澡時的水點,流過額頭,眼睛,手,腳,

連帶給媽媽的紅豆冰也變了紅豆沙,

但我相信她不會介意的,因她最愛吃甜,

雖然眼睛一再被流下來汗水弄得很澀,

我卻不當一回事,反而感覺內心更堅定,只要能親近媽媽,什麼也阻不了我,

這些辛苦只是我未有機會償還給媽媽的債,

又或者是我未有機會報給她的親恩。

每次前來,也會看到一些新鄰居搬進,

也會遇見同樣前來探親的親友們;

當我正坐在地上休息,分享著媽媽的紅豆冰,

聽到單車齒輪的聲音,轉眼就看到一位中年男士推著一輛單車出現,

他放好單車,走到我旁邊,

原來他是前來探望太太的,

他仔細地用紙巾抹去太太的相片和碑上的塵埃,

然後端詳著太太,靜靜地待著;

我想他大概是住附近,才可踏單車,很方便地隨時前來,

因為他沒有帶什麼祭品或者鮮花,一身打扮就像是到屋企附近踏單車般,

沒多久,他便離開了;

我看看他的太太,她比媽媽還要年輕,離開了兩年左右,真可惜。

我想,那位先生是一向喜歡踏單車?還是為了方便探望太太而踏單車?

又還是他跟太太也是愛踏單車,於是一直在踏嗎?這些我當然不會知道,

但我看到那位先生的眼神是充滿思念,大概就知道他們本是親密的夫婦。

如果時間能夠證明愛有多深,

那麼是要其中一方離開,才有足夠長的時間去證明嗎?

要是這樣,我一定比從前更愛媽媽,

只是證明不到給她看,她亦未能感受得到,

唯一可以做,可以證明我仍舊希望令她快樂,令她安慰的方法,

也許就是好好照顧自己,堅強地生活,每日盡量愉快地渡過,

因為她就是單純地希望我得到快樂,希望我盡量做好自己,

只有我快樂,您才會快樂。

我愛媽咪,所以愛惜自己。

害怕與無奈

                                                               那種感覺又回來了,

一種熟悉的,久違的感覺,再次在我心中湧起,

但我竟然有點不知所措,

是有點興奮,亦有點害怕,更有點無奈,

總括來說,沒有多大的開心感覺;

為什麼?

再次遇上令我有感覺的人不是很好嗎?

我不是一直等待這樣的人嗎?

哪為何要害怕?

無錯,我是為了此事而感到高興,

在大夥兒的活動中,我跟他不時見面,

正經事也好,開玩笑也好,頗談得來的

是個有商有量的人,

當然,我多數也是被說服的一方,

因為他說的道理往往使我語窒,

看事情的角度和對人脈的分析的能力,更使我自愧不如;

於是,我開始欣賞,再近乎傾慕。

想當年的那位也是因為這些比我強很多的能力而吸引著我,

那麼,為何要害怕?

因為我感覺到他已有心儀的人--她是大夥兒中的一位,

在不想影響彼此的關係,不想自己表白失敗而面目無光的情況下,

我想要放棄,卻害怕抽身不了,

要知道對上的那位,我用了很長的時間才能放下對他的感覺,

所以要趕緊制止這份感覺的出現,

這就是無奈;

或者別人會說在這個年代被拒絕又如何?

想愛就愛,最重要的是愛得及時,不需要[收收埋埋],

因為我們是有自由喜歡誰的,

這個我知道,但換到現實中卻又談何容易?

大家是好友,我要珍惜友情,

他是不錯,我則要按捺,

要好好看清楚想清楚,才決定冒不冒險。

說真的,我希望自己能夠早點放棄,

早點撲滅心裡那愈燒愈旺的感覺,

既然是開不了口,藏在心中也無謂,

這種苦我受過了,受夠了。

能夠感受到'喜歡'和'心中牽掛某人'的感覺己很好了。

你的背包

原來往日一直唔放低既背包,

可以一下子就扔到地上,

唔係因為自己學識放手,而係個背包自行了斷,

果兩條揹帶斷左,再無法揹上肩膀,

我唔識修補,唯有放低,

揹左咁耐,確實有好多回憶,好深感情,

尤其我哩種咁死心眼既人,

不過,始終揹住都無用。

後來,哩個背包有人執左去修補,拎埋去用。

我既肩膀輕鬆左,行步路都快左,

係有D唔習慣,不過唔用背包,都可以用其他袋既,

唔...哩期鐘意用LONGCHAMP,同真皮既手袋,

顯得我比較女人,又方便實用。
放低左個背包,肩膀先有位揹下其他袋。

[喂,做個朋友啫...]

最近,時常都感受到一種無形既壓力,

每當我識到新朋友,又或者同我覺得佢可以做個朋友既人溝通既時候,

就好怕俾人感覺我扮熱情,又或者想同人有"更進一步既交流",亦即係溝仔,

內心總係好緊張自己有無做錯左,做多左而令人誤會,

於是有時唔知自己做咩乜,個人好似食左藥咁,明明同緊班朋友食野吹水,

都會好緊張好不安好拘謹,

哩種情況嚴重到o係好熟既朋友身上都有出現,

點解會咁架??

根據我自己專業既分析,

哩種情況主要出現於男性朋友身上,

每當我有事需要致電果D人既時候,

就會諗對方會唔會以為我對佢有興趣?想搵話題?定係有咩企圖?總之就借D意搵佢,

於是諗多兩諗,就會放低個手提,自己搵辦法解決,

如果係關於聯絡通知既正經野,我會搵其他女性朋友去通知果條友,

自己就唔使搵果條友,就可以避過左。

如果係無聊搵人傾電話既話,

噢SORRY,我從來唔會主動搵男仔傾電話,

最多係講完正經野順手傾一陣。

又或者咁,

自己有時都想人吹下水,講下無聊野,咁又知有邊條友得閒又吹得既,

想WHATSAPP下佢搲下水吹,解下悶咁啦,

正當我想打緊果幾隻字做開埸白既時候,

又會諗條友會唔會覆架?會唔會覆我"咁得閒搵D正經野做啦!"?如果唔覆既我咪好火羅好樣衰?

條友會唔會又以為我對佢色心起所以借意兜搭佢架?

於是就DEL哂D字,然後CLOSE左個WHATSAPP。

無事發生過。

[喂,做個朋友啫...使乜諗咁多呀?]

我問過自己好多次,其實使咩諗咁多?

口岩傾既咪傾,吹得兩嘴既咪吹,好簡單平常之嘛!

係係係....我明白,

不過,俾人拒絕得有番兩三次再食左三五七個檸檬再再搞出兩三個美麗既誤會過後(次數終純粹係加強語氣,不等於事實!!),

個人就自然會諗多好多,避忌好多,怕事好多,

好驚人地怕左我避左我,或者會暗示我唔係佢杯茶,又或者係直接同我講,
咁就真係樣衰到無朋友,
SO SAD。

其實,

我只係將D男性朋友當左係女性朋友,

可以咩都講,可以傾得興起玩得開心時有身體接觸都唔覺有問題,

偶爾地扮下可愛(嘔),溫柔一D(又嘔),撒野一下(再嘔),都唔覺有問題,

大家姊妹黎嘛!!有咩所謂~~~

唔覺唔覺咁就好似對D男仔好熱情好主動,俾人誤以為我發情期對佢投懷送抱,

加上一向慣左好似阿媽咁去照顧人,不自覺由工作健康家庭等都關心下問候下,

順便想打開下話題,唔好吹極都係D吃喝玩樂享受消費既表面野先得架,

於是又俾人誤以為我想查人家宅搜集情報,

哩單野真係用聖水都洗唔清。

所以呢,我哩個[同男仔做朋友驚恐症候群],都係無得醫,

註定身處社交生活但一直左顧右盼心不在焉地存在著,

認真你就驚

好耐無認真,係認真去寫下野,
其實近來都有唔少野有感覺有感觸,
不過,因為懶,因為想逃避,因為怕開名,
所以就無寫。

今日一個人出左旺角,見到一街都係蝗蟲,真係人都癲,
忽然諗到,如果有個槍GAME,係可以射殺蝗蟲,炸哂D名店藥房金鋪既,就真係爽歪歪!!!
行左幾個鐘,除左買野之外,都無講過野,專心咁行街睇野,雖然有D悶,對手都唔知放邊好咁,不過又好習慣,
我都想快D戒走撓住人既手既壞習慣,以前主要係慣左撓住媽咪,其次係撓幾個姊妹,
今時唔同往日,邊得黎有隻手俾我撓呀...點解我咁鐘意撓住人行?主要係因為我行得慢,好怕同人失散,撓實手仔就唔怕趕唔上,同埋我都幾無腰骨,鐘意挨挨貢,而撓住手就方便個人挨落人地膊頭度喇!!嘿嘿~~當然,哩D人全都係女性黎既。
咁點解哩個係壞習慣?當習慣有熟人O係旁邊一齊行就自然想伸手去撓住,如果旁邊既換左係男性就PK,唔熟都OK,
係熟既我就要忍住唔好伸手過去,雖然大家成日玩埋一齊都不分男女動手動腳有身體接觸,但撓手哩樣真係唔得囉!
因為我眼中男既都同女既朋友一樣,我當佢女仔好姊妹,佢當我男仔好兄弟,咁自然唔覺有避忌,所以時刻都要提醒自己,唔好亂黎。咩時候可以撓住男既手?應該都係我醉到企唔穩既時候嘞。

提起朋友,哩幾期大家都好多見面機會,計返哩幾個月,至少兩三次落左樓下間翠華食飯再去吹水,雖然都係HEA。
時間見證好多事情既發生,原來哩段時間Y同D拍起拖上黎!嘿...可憐我哩D所謂既姊妹,唔係第一批知道既人,
咁都介意?係咪太小氣呀?係架,因為我覺得咁熟都收埋,遲通知OK,但有其他人早過我地幾個姊妹知就唔OK囉!
Anyway,我都希望佢地好好地拍落去,最好係好到開花結果,步入教堂,咁就皆大歡喜。
另一邊廂,S終於同男友散左,我當然係開心,因為佢值得有更好既選擇,可以愛得輕鬆啲,開心啲,幸福啲;
不過見到佢咁傷心,我都心痛,唯有盡量陪佢傾訴,佢搵我就即刻騰空時間陪佢去做佢想做既事,我又無經驗,唔了解到底可以有幾傷心有幾心痛,所以,都係提醒佢要自我欣賞,要愛錫自己等,總之就唔好自暴自棄。
有個星期日,佢話好悶無野做,我就叫佢上我度整曲奇,材料用具我有齊,於是佢有佢整曲奇,我有我整餸煲湯;臨走佢仲飲埋湯先;當晚我細佬知我叫S上黎整曲奇抒緩情傷,竟然讚好,話我夠朋友!真係好搞笑。
之後S 於whatsapp 度多謝我,我回覆佢我只係做我可以做既事,就係支持佢,同佢一齊分擔面對,我只係想見到佢笑返。
哩幾句確係真心話,希望佢亦感受到我唔係得把口,真係有行動做得到;有時,真係覺得自己似係佢家姐多過係朋友。

講返大圍野喇,就係9月1日,我地有6條友過大海,去澳門一日遊,我當然係其中之一啦!
今次既一日遊之所以出現,其實係因為一個錯誤既決定;因為本來計劃左去海洋公園玩,苦苦相逼左L請假(佢係好難放到星期日既),結果佢成功請到假,不過得3,4條友去到,海洋公園單野就告吹,於是我同S為左要安撫L,就話佢當日想做咩想去邊我地都誓死相隨(因為係我地兩個先後打去叫佢向公司請假既),結果條友話想去澳門,咁咪過左大海囉。
一日既行程都幾緊密,主打都係食野,天氣好好,曬到爆,我地去到十月初五街,行左陣想走,我即刻大叫唔走得,點都要行埋去大三巴前面影相留念!!難得我地黎到澳門,無張同大三巴合照既集體相點得架!
之後又去搵我間葡撻店---瑪嘉烈葡撻,問左好幾個人,先識得點行去,嘩,原來好多人幫襯緊,等左陣先有三個位坐,
男士們就好好地讓哂俾我地三個女士坐;個葡撻實在好新鮮,又香又滑又熱又脆,所以即使好熱好熱,我都好心急食哂落肚!!!
除左食,當然係去賭場見識下!嘩,銀河個娛樂場,即是賭場,真係大到痴線,行極都未行完,我哩D小學雞當然係參觀下就算,無落注,因為我根本唔多識玩,無謂浪費金錢,只係得L同Q有落注玩兩手,結果呢....係無輸無羸既,想屈佢地食一餐都唔得!!
離開賭場,我地就過左氹仔食晚飯,本來係打算食葡國菜,不過有團員想食平D,就去左一間出名係蟹粥既食店,
我地叫左一條超大既鱔,$2XX幾銀呀!!不過就超肥美超好食!!仲要只得我地三個女士食,食完真係成年唔使再食呀!
而其他炸田雞,蟹粥都唔錯,大家都好飽。
就係咁,一日遊就咁完結。